Navenda Nûçeyan |
Li bakurê Tanzanyayê di merasîmeke evanjelîk de mirovan pê li hev kirin. Li gorî agahiyên ji çavkaniyên hikûmetê û şahidan, dema ku ‘rûnê pîroz’ hate rijandin îzdiham çêbû. Bawermendan bi hêviya ku rûnê hatiye rijandin dermanê nexweşiyan e, xwestin destê xwe bidin devera ku rûn lê hatiye rijandin, lê pê li hev kirin.
Rayedarên bajarokê Moshî ku bûyer lê qewimî ragihandin ku heta niha 20 kesan jiyana xwe ji dest dane lê dibe ku ev hejmar zêdetir bibe.
Şahidekî ji AFP’ê re kêliyên îzdîhamê wiha vegot: “Tirsnak bû. Mirovan bi rengekî bêrehm pê li hev kirin. Mîna ku waîz dolar belav kiribû. Piştre ewqas mirovî jiyana xwe ji dest dan.”
