Li Çerkeskoya Tekîrdagê 2 jê zarok 3 ciwanên kurd ên ji aliyê komekê ve hatin linçkirin, bi giranî birîndar bûn
Li taxa Kizilpinar a navçeya Çekezkoy a Tekirdagê, zarokê 17 salî Azad Kenan Çelîk, Samet Şahîn ê 16 salî û Cevat Şahîn ê 20 salî yên ji Wanê, berî 3 rojan, rastî êrîşa komeke nijadperest hatin û hatin lînçkirin. Li gorî agahiyên hatin bi dest xistin, koma nijadperest bi amûrên mîna kêran êrîşî ciwanên kurd kirine û her 3 ciwanên kurd bi kêran bi giranî birîndar kirine.
Ambûlansên hatin cihê bûyerê birîndar rakirin Nexweşxaneya Dewletê ya Çerkezkoyê û sewqî beşa lezgîn hatin kirin. Ciwanên îro ji beşa lezgîn hatin derxistin, dermankirina wan dewam dike. Hat, destnîşan kirin ku di çarçoveya lêpirsîna derbarê bûyerê hat vekirin de, heta niha tu kes nehatiye binçavkirin. TEKÎRDAG
