Îro bi sedan şêniyên navçeya Til Koçer a kantona Qamişlo, endamên saziyên sivîl, kesayetên siyasî û rûspiyên eşîrên herêmê li dijî tecrîda li ser rêber Abdullah Ocalan meşiyan.
Meş li têketina navçeyê dest pê kir û li qada navçeyê veguherî mitîngê.
Di mîtîngê de hevserokê Meclisa Navçeya Til Koçer Newaf Xedan axivî û got: “Em berdewamkirina tecrîdê li ser rêber Abdullah Ocalan şermezar dikin. Dewleta tirk bi van siyasetên xwe li dijî gelên azadîxwaz û rêber Abdullah Ocalan nikare me ji têkoşînê û şopandina rêya rêberetî bide alî.”
Di dawiya mitîngê de beşdaran berxwedana rêber Abdullah Ocalan silav kir û dirûşmên “Azadî ji bo Ocalan, Na ji tecrîda li Îmraliyê re” berz kirin.
