Hêzên dagirker ên dewleta tirk û çeteyên wê êrîşî gundên Til Temir, Zirgan û Girê Spî dikin. Li vê herêmê di navbera şervanan û dagirkeran de şerekê dijwar heye
Hêzên Sûriyeya Demokratîk (HSD) li hemberî êrîşên dewleta tirk û çeteyên wê yên El Nusra, DAIŞ û OSO’yê berxwedaneke dîrokî nîşan didin. Di vê çarçoveyê de şervanan li gelek eniyan derbên giran li hêzên dagirker dan.
Çavkaniyên ji herêmê ragihand ku komên çete yên El Nusra û DAIŞ’ê êrîşên xwe yên li ser gundên navçeya Til Temirê didomînin. Çavkaniyan bi lêv kir ku şervanên HSD’ê li derdora gundên Cemîliyê û Mehmûdiyê maşîneyeke BMB a dagirkeran teqandin. HSD’ê dîmenên maşîneya ku hatiye teqandin parve kir.
Li hêla din konvoyeke çeteyan hewl dan rêya duwelî (M4) ya di navbera Eyn Îsa û Girê Spî de qut bikin. Li ser vê yekê şervanên HSD’ê bersivên tund dan komikên çete. Hat ragihandin şer û pevçûnên li vê herêmê didomin.
Artêşa tirk a dagirker û çeteyên DAIŞ û El Nusrayê bi tank û panzêran êrîşî gundê Um El Uşba, Til Werd û Eyn El Hewa yên Zirganê dikin. Şervanên HSD’ê jî bersivên tund didin çeteyan û li herêmê şerekê giran heye.
