Artêşa tirk û çeteyên wê yên DAIŞ, El Nusra û OSO’yê êrîşî gundên Til Temir û Zirganê dikin. Hat zanîn ku di şerê heta niha de 4 maşîneyên dagirkeran hatine rûxandin
Hêzên artêşa tirk a dagirker û komên çete yên girêdayî wê yên El Nusra, DAIŞ û OSO’yê êrîşên xwe yên li dijî rojavayê Kurdistanê bênavber didomînin. Di vê çarçoveyê de hêzên dagirker êrîşî gundewarên Til Temirê û Zirganê kirin.
Li gorî agahiyên ji herêmê, hêzên dagirker ên dewleta tirk û çeteyên wê bi çekên giran û tankan êrîşî gundê Kasimiyê yê girêdayî navçeya Til Temirê dikin. Hat zanîn ku şervanên HSD’ê jî di çarçoveya mafê xweparastinê de bersivên tund dan dagirkeran. Di encama şerên dijwar de 4 maşîneyên dagirkeran hatin teqandin û gelek kuştî û birîndarên wan çêbûn.
Di heman demê de artêşa tirk a dagirker û çeteyên wê bi çekên giran êrîşî gund û mezreyên navçeya Zirganê kirin. Li gorî agahiyên ji qada şer, topbarana dijwar li ser herêmê tê kirin. HESEKÊ
