Faşîst û dîktator Recep Tayyîp Erdogan ê xwe di bin nasnavê serokkomarê dewleta tirk a dagirker de nixûmandî û destê wî di xwîna bi hezaran kurdan de heye, Kurdistan wêran kiriye û jiyan li Tirkiyeyê herimandiye, pirtûkek bi navê ‘cîhanek din a bi adil mimkûn e’ weşandiye.
Gelo di roja îro de li Tirkiyeyê jiyanek adil mimkûn e ku Erdogan dibêje ‘Cîhanek din a bi adil mimkûn e?’
Bi fermana rejîma faşîst a dîktator Erdogan rojan e jin, zarok jî di nav de kurd li her çarparçeyên Kurdistanê tên qetilkirin. Xwezaya Kurdistanê bi tank û topan tê şewitandin, dewlemendiyên sererd û binerd tê talankirin.
Li Tirkiyeyê ku îro gelo ma roj heye jinek neyê qetilkirin? Hed û hesabê destdirêjî-destavêtina jinan û zarokan nîne. Ma deriyek hiştiye ku jin serî lê bidin û daxwaza mafên xwe bikin? Jinan kiriye parçeyek pergala sîstemê û zincîrek xistiye stû, mifteya wê daye destê mêrê serdest. Gelo di rewşek wiha de Erdogan dikare qala cîhanek çawa ya mimkûn bike?
Xwendekar, ciwan, jin nikaribin bi azadî ramanê xwe bîne ziman, heta ji ber nêrînên xwe bê girtin, ma mirov dikare qala adilbûnê bike? Ka erê Erdogan qala cîhaneke çawa ya adil dike?
Li Tirkiyeyê karker birçîne, ji bo debara malbata xwe bikin li ser sergoyan nan û zebzeyên xirabûyî kom dikin. Welatiyên Tirkiyeyê nikarin xwe bidin jiyîn, xwe û malbatên xwe dikujin. Erdogan te Tirkiyeyê kir gul û nêrgiz îro dor hatiye cîhanê!
Xwendekar nikarin bixwînin, karker bê kar in. Jiyan li Tirkiyeyê teviziye. Hemû dahata welat ji bo çend kesan tê veguhestin. Keştiyên kurê wî hene lê karker li ser sergoyan ji bo bijî, tiştan kom dikin.
Erdogan û zavayê xwe aboriya welat birin îflasê, îro qîmetê pereyê wan bi pênç qurîşan nayê. Welatiyên Tirkiyeyê nikarin bijîn û debara xwe bikin. Ev çi adilbûne li Tirkiye dayî ava kirin ku niha dixwazî bigihîne cîhanê.
Çeteyan berhev bike, bişîne Idlib, Sûriye, Lîbya, Qerebax, başûrê Kurdistanê li dijî kurdan bide şerkirin. Cîhanek adil dê çawa bê avakirin?
Erdogan cîhana adil a mimkûn tu dixwazî dê çawa ava bikî? Cihek nehiştiye ku aramî, aştî û demokrasî lê bê avakirin.
Tirkiye di serî de Kurdistan û hemû cîranê xwe kiriye qada xwe ya şerê desthilatê. Di ser de qala cîhaneke adil dike! Ev ji derveyî xwe xapandineke ecêb ne tiştekî din e.
Li Tirkiyeyê rojnamevan, parlameter, kesayetên muxalîf tev girtîbe, gelo dê sîstemek adil û cîhanek adil çawa pêkan be? Gelo di rewşek wiha de kî/ê wê ji cîhana adil bawer bike.
Faşîstek weke Erdgan û hikûmeta wî ya mêtinger nikare welatê xwe û pirsgirêka welatê xwe çareser bike, radibe bi van kiryarên xwe qala hebûna cîhaneke hîn adiltir bike. Mirov li ber mijarê wiha dimîne heyirî. Xwe di eyneyê de dêw dibîne gelo?
Ji bo aramiya Ewropayê têk bibe, ma ne Erdogan tu yî, bi koçberên ji ber şer reviyan e, şantajan dikî. Çete bi malbatên wan ên girtî, şantaj dikî.
Erdogan ji bo aramiya welatên Ewropayê têk bibe, koçberên ji ber şer revî û dîsa jî ji bo çeteyan weke leşker bide şerkirin, bi malbatên wan şantaj dikin. Koçberên çeteyan li Kurdistanê li dijî Tevgera Azadiya Kurd didin şerkirin. Çeteyan li Qerebax, Lîbya da şerkirin. Tu bi çeteyên şandin van herêman dagirkirî herêmek, cîhanek adil ava bikî? Tu kê dixapînî. Kî/ê wê ji vê yekê bawer bike. Ji serî bigire heta binî bûye çete û serkêşiyê ji çeteyan re dikî û bûyî çavkaniya teror û terorîstan.
Kes heye vê bawer bike li cîhanê, pêşengtiyê ji cîhana adil re bikî? De here lo…
Heta Erdogan û yên weke Erdogan li ser rûyê vê cîhanê be, ne edalet, demokrasî û aştî li welat û ne jî li cîhanê pêkan dibe…
