Li Tokyoyê pêşangeha wêneyan a qetlîamên dewleta tirk hat vekirin. Di pêşangehê de wêne û tabloyên şêwekariyê cih digirin
Çalakvanên civaka sivîl li Japonyayê pêşangeheke wêne û tabloyên şêwekariyê li paytext Tokyoyê vekir. Di tabloyan de komkujiyên ku dewleta tirk kirine, diyar dibin.
Pêşangeh duşema bihurî hat vekirin û çav li rê ye ku heta 29`ê adarê jî vekirî be. Di pêşangehê de tabloyên rojnamevan û şêwekara kurd Zehra Dogan û fotografên ji aliyê Refîk Tekîn ve hatine kişandin cih digirin. Rojnamevan û şêwekara kurd Zehra Dogan ji ber tabloyên hunerî û ragihandina nûçeyan hatibû girtin û demek berê serbest hatibû berdan.
Di pêşangehê de cil û bergên kurdî û ferhenga japonî- kurdî jî tê pêşandan. TOKYO
