Midûrê Koalîsyona Rêxistinên ji bo Mafê Jiyanê û Tenduristiyê (Codevida) Francisco Valencia ji AFP’ê re axivî û diyar kir ku ji ber qutbûna ceyranê duh û îro ji ber nebûna diyalîzê 15 kes mirine
Li Venezûelayê qutbûna ceyranê bandoreke giran kir. Hate ragihandin ku 15 nexweşên bi makîneya diyalîzê ve girêdayî bûn ji ber qutbûna eletkrîkê mirine.
Midûrê Koalîsyona Rêxistinên ji bo Mafê Jiyanê û Tenduristiyê (Codevida) Francisco Valencia ji AFP’ê re axivî û diyar kir ku duh û îro ji ber nebûna diyalîzê 15 kes mirine û wiha got: “Rewşa mirovên ku nexweşiya gurçikê pê re heye gelekî giran e, krîtîk e, ji ber qutbûna elektrîkê ji sedî 95 yê unîteyên diyalîzê rawestiyan e lê dibe ku ji sedî 100 jî raweste.”
Serokdewletê Venezûelayê Nicolas Maduro roja şemiyê bi daxuyaniyekê îdîa kir ku elektrîk ji ber êrîşekê qut bûye û bi êrîşên sîber pêşî li hewldanên ji bo çareserkirina pirsgirêkê hatiye girtin.
Gelek pispor jî dibêjin, ji ber binesazî baş nehatine kontrolkirin û sererastkirin, elektrîk qut bûye, lewma hikûmet berpirsyar nîşan dan.
Juan Guaido yê rastgir ku xwe weke serokdewletê demkî îlan kir, ji bo hilweşandina desthilatdariya Maduro careke din bang kir ku roja şemiyê li qada neteweyî meşek bê lidarxistin.
