Di operasyona qirkirina siyasî de li navçeyên Wanê û Sêrtê gelek kes hatin binçavkirin û girtin
Operasyona qirkirina siyasî ya li hemberî gelê kurd bênavber didomin. Di çarçoveya van operasyonê de li navçeya Şax a Wanê, di serdegirtina malban de rêvebera HDP’ê ya Şaxê Senar Balka, namzeta HDP’ê ya endam meclisa şeredariyê Meran Kaplan, Nîhat Babûr, Attar Ertaş, Rakîp Babûr, Abdurrahman Semo û Alî Buge hatin binçavkirin. 7 kesên hatin binçavkirin birin Fermandariya Leşkerî ya Navçeyê.
11 kes hatin girtin
Ji aliyê din ve polîsan li navçeyên Ebex, Erdîş û Qelqelî yên Wanê di 20’ê adarê de bi ser malan de girtin û 26 kes binçavkirin. 26 kesên lêpîrsîna wan a li ewlekariyê bi dawî bû, duh di saetên şevê de sewqî edliyê hatin kirin. Ji 26 kesan 11 jê bi hinceta delegeyên KCD’ê ne, bi îdîya ‘Endamtiya rêxistinê’ hatin girtin û 15 kes jî bi şertê kontrola edlî hatin berdan.
Navê 11 kesên hatin girtin wiha ne: “Çetîn Ûyar, Faysal Parlak, Bazî Aslan, Hakan Demîr, Îbrahîm Irmak, Medîne Tûfan, Mesût Erzengîn, Abdûlsettar Guneş, Ramazan Dûman, Gursel Yamaç û Mehmet Alî Sonmez.”
Sedemên binçavkirina nehat zanîn
Li Dihê ya Sêrtê jî polîsên tirk di saetên sibê bi ser gelek malan de girtin. Polîsan piştî lêgerîna malan Mizbag Yildiz û Cengîz Guneş binçavkirin. Her du kesên hinceta binçavkirin wan nehat zanîn, birin Midûriyeta Polîsan a Dihê.
Hat diyar kirin ku polîsan bi ser mala Hevşaredara DBP’ê ya Dihê Eda Kîlîs a qeyûm tayînê cihê wê hat kirin de jî girtine, lê ji ber ku Kîlîs ne li malê bû, nehat binçavkirin.
