13 girtiyên ku li girtîgehên Wanê çalakiyên xwe yên greva birçîbûnê û rojiya mirinê bi dawî kirin, rakiribûn nexweşxaneyê. Hat zanîn ku girtî piştî tedawiyê, careke din şandin girtîgehê
Li Wanê girtiyên ku li ser bangewaziya Rêberê Gelê Kurd Abdullah Ocalan dawî li çalakiya xwe ya greva birçîbûnê û rojiya mirinê anîn, rakiribûn Nexweşxaneya Lêkolîn û Perwerdehiyê ya Herêma Wanê. 12 girtî piştî dermankirinê ji nexweşxaneyê hatin derxistin.
Li gorî agahiyan, navên girtiyên piştî ku hatin dermankirin careke din şandin girtîgehê wiha ne: “Zekî Baysal, Azad Yalgin, Mazlum Kapar, Medya Aslan, Saît Ûçar, Devran Bahadir, Muhammet Salîh Çîçek, Mehmet Tûmûr, Omer Koç, Mahîr Dogutekîn, Cîhan Tamûr, Ahmet Anigi û Vedat Ozagir.”
Hat zanîn ku ji bo girtîgeha Wanê bijîşk nehatine şandin. WAN
