Li herêma Xakûrkê ya başûrê Kurdistanê di navbera gerîlayên HPG’ê û hêzên artêşa tirk de şer derket. Hat ragihandin ku di şer de yek jê fermandarê operasyonê, 3 leşkerên tirk hatine kuştin
Şerê di navbera gerîlayên HPG/YJA Starê û hêzên artêşa tirk ên li başûrê Kurdistanê berdewam in. Hat zanîn ku di vê çarçoveyê de hêzên gerîla li herêma Xakûrkê ya başûrê Kurdistanê li dijî hêzên artêşa tirk çalakî li dar xist.
Çavkaniyên ji herêmê ragihand ku li Girê Şehîd Sarya yê li herêma Xakûrkê îro di danê sibehê de di navbera hêzên gerîla û yên artêşa tirk şer qewimî. Çavkaniyên ji herêmê da zanîn ku di encama şer de yek jê fermandarê operasyonê bi giştî 3 leşkerên artêşa tirk hatin kuştin.
Têkildarî mijarê Navenda Ragihandin û Çapemeniyê ya HPG’ê heta niha tu daxuyanî nedane. BEHDÎNAN
