Li dijî bazara El Raqw a Saada ya Yemenê êrîş pêk hat. NY’ê diyar kir ku di êrîşê de 17 sivîlan jiyana xwe ji dest dan û 12 sivîl jî birîndar bûn
Li vîlayeta Saada ya li bakurê Yemenê li dijî bazarekê êrîş pêk hat. Têkildarî mijarê Neteweyên Yekbûyî (NY) daxuyaniyeke nivîskî parve kir.
Di daxuyaniyê de hat destnîşankirin ku di encama êrîşa li dijî bazara El Raqw a Saadayê de 17 kesan jiyana xwe ji dest dan û 12 kes jî birîndar bûn.
Hêjayî gotinê ye ku ev herêm di bin serweriya Hûsîyên şiî de ye. Hate diyarkirin ku êrîş ji hewayê hatiye kirin û hê tu kesî ev êrîş li xwe negirtiye.
Di 22 û 27’ê mijdarê de jî êrîşên hewayî hatibû kirin û di her du êrîşan de 10 kes miribûn. Li gorî NY’ê ji serê meha mijdarê û heta niha 89 sivîl li van bazaran hatine qetilkirin.
