Navenda Ragihandin û Çapemeniyê ya HPG’ê li ser çalakiyên gerîlayan daxuyaniyeke nivîskî weşand.
Daxuyaniya HPG’ê ya li ser mijarê wiha ye:
“Di çarçoveya Pêngava Şoreşgerî ya Bazên Zagrosê de li herêma Zapê;
26’ê tîrmehê saet di 16:00 de li qada Cîloyê Biçûk hêzên me yên YJA Starê bi çekên giran li dagirkeran xistin ku dixwestin li qadê çeperan çêbikin. Piştî vê çalakiyê dagirker neçar man dev ji hewldanê çêkirina mewziyan berdin.
Di çarçoveya Pêngava Şoreşgerî ya Bazên Zagrosê de li herêma Avaşînê;
26’ê tîrmehê saet di navbera 10:00-14:40’î de artêşa tirk a dagirker piştî ku bombe li tunelên şer ên li qada Girê Sor barandin, xwestin kamerayan li derdora tunelên şer bi cih bikin. Di encama destwerdana hêzên me de dagirker neçar man xwe vekişînin.
25’ê tîrmehê saet di navbera 22:30-23:00 de qadên Tîpa T û Dola Şehîd Ozgur bi helîkopterên êrîşê hatin bombekirin.
25’ê tîrmehê saet di 21:00 de û 26’ê tîrmehê saet di navbera 22:00-23:00 de li herêma Avaşînê tunelên şer ên li qada Werxelê hatin bombekirin.
26’ê tîrmehê saet di navbera 21:30-22:00 de li herêma Xakurkê qada Sinînê ji aliyê balafirên şer ve hat bombekirin.
26’ê tîrmehê saet di navbera 23:00-00:00 de li herêma Metînayê helîkopter li qada Qaşûrayê geriyan, derdora gundên Kêste, Derarê û Hirorê yên nehiya Kanî Masî ya navçeya Amediyê bi helîkopterên êrîşê hat bombekirin.
27’ê tîrmehê saet di navbera 07:00-07:30’î de derdora gundê Bazê yê nehiya Kanî Masî ya navçeya Amediyê bi balafirên şer hat bombekirin.
27’ê tîrmehê saet di navbera 05:20-06:40’î de li herêma Glîdagê ya Agiriyê, piştî ku hêz li qada Girê Zikdiryayi hatin danîn, operasyoneke berfireh a ji bo dagirkeriyê hat destpêkirin. Operasyon hîn dewam dike û dema ku agahî bi dest ketin wê bi raya giştî re bêne parvekirin.” BEHDÎNAN
