Operasyona leşkerî ya li Zozanê Şenê ku dikeve navbera Amed, Mûş û Çewlikê di 8’ê mijdarê de dest pê kir, didome. Her wiha şewata daristana jî ji roja ku operasyona leşkerî hatiye destpêkirin jî didome
Operasyona leşkerî ya li Zozanê Şenê ku dikeve navbera Pasûra Amedê, Mûş û Çewlikê ji 8’ê mijdarê heta niha didome. Piştî leşker di 8’ê mijdarê de derketibûn operasyonê, li qarê agir bi daristanê ketibû. Şewata daristana li herêmê ji wê rojê heta niha didome. Operasyona leşkerî ku gelek tîmên taybet û cerdevan sewq kiribûn didome. Hat diyar kirin ku dem bi dem şer derdikeve.
Duh jî sewqîyata cerdevanan hatibû kirin û herêm ji hewa û bejayî ve hatibû bombekirin. Di encama bombebaranê de dîsa li qadê agir bi daristanê ketibû. Di dîmenen welatiyan kişandin jî tê dîtin ku li herêma çiyê duxan bilind dibe.
Operasyona ku du roj berê bi tevlêbûna tîmên taybet û cerdevanan dest pê kiribû, li herêma gundên Eskar, Geliye Deyika, Geliye Mezraxuş û Kontarên çiyayên Dorşînê, Sere Sip û Hovîtê, Mezrika Zovan, Kerengan, Şenyayla û Reylê didome. AMED
