Navenda Nûçeyan |
Li zozanên Serşîw ên bajarê Seqiz ê rojhilatê Kurdistanê, nêzî 50 kolber ji ber berf û bagerê winda bûne. Li gorî nûçeya Kolbernewsê, duh bi şev komeke kolber ku hejmara wan nêzî 50 kese, li zozanên Serşîw ên bajarê Seqiz ji ber berf û bagerê winda bûne.
Di nûçeyê de hat diyarkirin ku welatiyên herêmê ji bo dîtina kolberan, ketine nava liv û tevgerê. Her wiha bal hat kişandin ku welatiyan daxwaza alîkariyê ji hikûmetê kirine, lê heta niha bersivek nehatiye dayîn.
Li gel vê Kolbernewsê ragihand ku di roja pêncşema hefteya borî de hêzên rejîma Îranê li herêma Ûrmiyeyê du komên kolber gulebaran kirine. Di encama gulebaranê de kolberên bi navê Welî Gundek Mela û Osman Wezîrî birîndar bûne. SEQIZ
