Licê de sereştişê keyeyan de babîyê Hemşaredara Karazî Rojda Nazliera ke wezîfeyê ci ra ameye girewtene û ameye tepiştene zî tede 4 kesî ameyî binçimkerdene
Leşkeran eşt taxanê Çemê Elîka û Spênî yê qezaya Licê ya Amedî ser û 4 hemwelatijî binçim kerdî.
Sereştişê taxa Çemê Elîka de Ferman Nergîz û Harun Oyunlu, taxa Spênî de zî babîyê Hemşaredara Karazî Rojda Nazliera ke wezîfeyê ci ra ameye girewtene û ameye tepiştene, Adem Nazlier û keso ke nameyê ci nêame zanayene ameyî binçimkerdene. Kesê ke sebebê binçimkerdişê înan nêno zanayene ameyî berdene bi Mudirîya Asayîşî ya Amedî. AMED
