Hêrişê vera goran Wan, Colemêrg, Amed, Şirnex û Çewlîg de dewam kenê. Narey zî taxa Licokî ya qezaya Licê ya Amedî de leşkeranê tirkan hêrişê tay goran kerd.
Goristanê taxe de gorê Îzzet Tugalî yo ke hetê JÎTEMî ra ame qetilkerdene, gorê Bahattîn Turfanî yo ke hêrişê vera merasîmê Vedat Aydinî de cuya xo vînî kerde, gorê gerîlayanê PKKyî Aydin Bedran û Înayet Tanriverdî yê seranê 90an de Licê û Mûş de şehîd bîyî û gorê Hîyalî Zengîn û gorê lajê ci Mustafa Zengînî yê ke hetê qoricîyan ra ameyî qetilkerdene, hetê leşkeran ra ke herême de operasyon kerdêne ameyî texrîbkerdene. Leşkeranê tirkan kerrayê goran şikitî.
Roniştoxanê taxe da zanayene ke leşkeranê ke tewrê operasyonê 4ê hezîrane bîyî, pê paskilan kerrayê goran şikitî. Roniştoxan pare kerd ke tay kerrayanê goran ser o rêçê postalanê leşkeran estê. AMED
