Endamê Komîteya Şehîdan ya PKKyî Orhan Lotusî dîyar kerd ke hêrişê vera şehîdgehanê bakurê Kurdistanî do bêcewab nêmano
Endamê Komîteya Şehîdan ya PKKyî Orhan Lotusî hêrişê hêzê dewleta tirkî yê vera goristananê şehîdan ercna. Lotusî bale ant hêrişê peynî yê vera şehîdgehanê Licê û wina va: “Roja bimbarek ya Roşanê Qurbanî de hêrişê vera şehîdgehan yena mehneya hêrişê vera manewîyata kurdan.”
Lotusî ard vîr ke mîyanê tu ol, bawerî û îdeolojiyî de cayê nê caardişanê teberê merdimîye çin o û dewamê qiseykerdişê xo de wina va: “Hêrişê vera şehîdgehan de tu numuneyêko sewbîna çin o. Yê ke wina kerdî DAIŞ bî û hetê merdimîye ra ame mehkumkerdene. Kesê ke wayîrê eynî zîhnîyetî zî dewleta tirkî ke hetê AKP-MHPyî ra yena rayîrberdene ya. Hêrişê vera şehîdgehan nîşan dano ke wayîrê eynî xete yî.”
‘Ganî vera nê hêrişan de bêveng nêmanî’
Lotusî qiseykerdişê xo yê peyênan de ard ziwan ke tu şarêk bê ercanê xo yê manewî nêeşkeno bicuyo û da zanayene ke ganî şarê kurd wayîrê gorê domananê xo bivejîyo. Lotusî qiseykerdişê xo wina peynî kerd: “Şarê Amedî yê xoverdekar, her çiqas ke bedelanê giranan bida zî tu rey serê xo vera zaliman de nêrona û fek welatperwerî û rumetê neteweyî ra vera nêda. Ganî şarê kurd bi cinî, ciwan û pîlanê xo vera nê hêrişanê wexşane de bêveng nêmana û cewabo lazim pêşkeşê dişminan bidî.” BEHDÎNAN
