Dewa Sarilar, Yazuzelîyî yê Dîlokî ra girêdayo û taybetî Tirkmenê Çepnîyî cuye kenê. Çepnijan bawerîya elewîye ra girêdayê û bêkarî ser o zî dew zaf teberî ra zaf koç dana. Dewa Sarilar de Qeyqemîye bi nameyê ‘Projeyê Ameyoxo Roşnbîye, Komelo Serwextbîye’ cemxane de kombîyayişêk viraşt.
Kombîyayişî ra Muftutîya Yavuzelîyî beşdar bî, kombîyayiş de cenîyê bi turban destê merdeyan nêgirewtê û çayî ke ameyî îkramkerdiş zî nêşimitê. Selahîyatdarê muftutîye zî cemxane de wehz dayê, no zî bibî semedê bertekî.
Muxtarê Alî Yildiz babete ser o vat ke bêkarî ser o dewa înan zaf koç daya, mîyanê yew serre de tena yew ray cemêk dewe de ameyo viraştiş û wina vat: “Çi heyfo ke pîrê ma çin o, ray ray teberê dewe ra pîrî yenî. Demo vîyarte de pîrê ma Semsûrî ra ameynê û no dem elewîyîya ma estbî, her kes nêeşkîyaynî bibo pîr. Ma nêwazenê dewa ma ra mîzgeft bêro viraştiş. Ma bawerîya xo ra girêdayê.” DÎLOK
