Gerîlayanê Operasyonê Şorişgêrî yê Warê Xoverdayîşî yê Girê Amedîyê derheqê çalakîyanê xo de ANFyî rê qisey kerd.
Gerîlaya YJA-Starî Têkoşîne Bilikî ard ziwan ke bê têkoşînê çekdarî şarê kurdî do azad nêbo û vat: ”Ma Zîlane ra fedayîbîyayîş, Sara ra partîbîyayîş, Bêrîtane ra şerkerdiş musayî. Ma bi nê îlhaman xo seba operasyonê şorişgêrî amade kenê. Şer de proseso tewr girîng amadekarî yê. Ma planê xo yê keşf, îstîxbaratî temam kerdî. Moral û motîvasyonê ma zî berz ê. Ma pê bawer ê ke qetî nê operasyonî ser bivisnê.”
Gerîlayanê HPGyî ra Çetîn Serhatî vat: ”Mado nêverdê ke leşkerê tirkî yê îşxalkerî bi asanî erdê Kurdîstanî de bimanê û tira xo apey biancê. Ma emser plan kenê ke dersêka pîlêre bidê artêşa îşxalkere. Artêşa îşxalkere mîyanê amadekarîyêka pîle de ya. La ma tim înan teqîb kenê. Amadekarîyê înan çi bibê zî taktîkê gerîlayan est ê.”
Gerîlayê HPgyî Hewrê Bêkes vat: ”Artêşa îşxalkere par zî Herêma Şehîd Delîlî ya Rojawanê Zapî de operasyon kerdbi. La nêeşkaye planê xo yê îşxalî bîyara ca. Îşxalkerî kenê ke bi destekê Barzanîyan Başûrî îşxal bikerê. La ma do vera ney bi taybetî Girê Amedîyê de cewabê hewceyî bidê. Na çarçewe de ma amadekarîyê xo kenê.” BEHDÎNAN
