Gerîlaya YJA-Starî Delale Nûda avet Şikefta Birîndaran de roja 7. ya xoverdayîşî de binê hêrişanê giranan ê hewayî de qala şerî, metodê hêrişan ê dişmenî û tewirê gerîlayan kerde.
Gerîlaya YJA-Starî Delale Nûda Avet vat: “14ê nîsane ra nata Çiyayê Reş, Kurojahro, Şehîd Şahîn û Şikefta Birîndaran de xeylêk hêrişê hîrayî dîyayî destpêkerdene. Ma rê nê hêrişî surprîz nêbîyî, ma goreyê ci amadekarîya xo zî kerdbî. Her kes bi coşî derbazê cepheyê xo bi. Ma nêzdîyê xetanê dişmenî,Xeregolî yê, erdî ra hêrişê giranî yenê kerdene. Şehîd Cûdî û Girê Ortê de xoverdayîşêko pîl est o. Dişmen pê pêro îmkananê xo hêriş keno la ma zî xoverdayîşî ra fek vera nêdanê.
Ewro 23ê nîsane yo, serrgêra hêrişanê vera Herêmanê Pawitişî yê Medya ya. Ma şehîdanê parinî bi rêzdarî yad kenê. Se beno wa bibo ma do bi xoverdayîşî ver bi serkewtişî şorê. Ma do heta peyêne xeta şehîdan de şorê.
Nika ma 300-400 metreyan nêzdîyê dişmenî yê. Dişmen qet xo nêleqneno, têna ge ge sereyê xo berz keno. Ma xîret kenê ke pespektîfê embaz Cûmalîyo ke Werxelê de mîrasêko pîl verda, bîyarê ca. Mi bi perspektîfê tunelanê şerî têgêrenê. Ma bi moralî yê. Tîya de bîyayîş seba mi sereberzîyêka pîl a. Tîya de se beno wa bibo, çi qewimîyeno qa biqewimîyo eke rêxistine rojêke vengê ma bieşnawa, ez seba kêmasîyan rexneyê xo dana. Yilmaz Guneyî vatbi ‘Ma do ya ser bikewê, qetî do ser bikewê’ Ma do reyna serkewtişê kurdan, serkewtişê PKKyî tarîxî ser o bineqişnê.” Çime: ANF
