Koordînasyonê YPS/YPS-JIN serrgêra 8ine ya şehadetê ci de Fermandar Çîyager Hêvî bi eşkerayîyêke yad kerd.
Eşkerayîye wina ya:
”Ma fermandarê xo yê efsanewîyî Çîyager Hêvîyo ke şagîrtê Fermandar Egîdî û fedayîyê Şerê Şarî yê Şorişgêrî bîyo bi rêz û minetî yad kenê.
Dewleta tirke bingeyê qirkerdişê kurdan de ‘Planê Çokdayîşî’ dabi destpêkerdene û serkêşîya Çîyager Hêvî, Nûcane, Zeryan û Xebatkaran de vera nê planî xoverdayîşêko tarîxî amebi kerdene. Nê xoverdayîşê heybetî mojnabi ke dewleta tirke ya faşîste do qetî nêeşka îradeyê şarê ma teslîm bigêra. Dewleta tirke kerd ke bi qirkerdişan şarê kurdî çin bikera. Ewro zî hêrişê dewleta tirke dewam kenê. La serkêşîya Rayber Apoyî de kurdî zî 50 serrî yo bêmabên têkoşîn kenê. Seke heşt serrî verî Cizîre, Şirnex, Sûr, Hezex, Nisêbîn û Gever de qewimîyabi ewro zî serkêşîya gerîlayan de Zap, Avaşîn, Metîna û Xakurkê de no xoverdayîşo heybetîn dewam keno.
Fermandar û embazê ma Çîyagerî vera hêrişanê dişmenî bingeyê Şerê Şarî yê Şorişgêrî de bi qerardarî, bawerî û israrî serkêşîya xoverdayîşê Sûrî kerbî. Ey qetî teredut nêkerdbi û her hele xo dabît êkoşînî. Ey nê taybetmendîyê xo neqlê embazanê xo zî kerdî. No îradeyo ke şexsê embaz Çîyagerî de vejîyabi werte xoverdayîşo modern eşkera kerd. Nê xoverdayîşî hem darbî dayî faşîzmê AKP-MHPyî hem zî ruh û îradeyê şarê kurdî mojnayî.
Serkêşanê têkoşînê ma ra embaz Kemal Pîrî 1982 de Zîndanê Amedî de vera pêro hêrişanê dişmenî vatbi ‘Ez nê têgêrayîşî de serkewtişî vînena.’ Embaz Çîyagerî zî wextê xoverdayîşê Sûrî de vatbi ‘Netîce do bêhempa biba.’
Erkê ma yê pêroyînan o ke ma serkêşîya xoverdayîşê Îmraliyî yê Rayber Apoyî û gerîlayan de Şerê Şarî yê Şorişgêrî aver berê, Kurdîstanê Azadî, Rayberîya Azade û cuya azade awan bikerê. Seba ke hêrişanê qirkerdişî bişiknê û Şerê Şarî yê Şorişgêrî ser bivisnê ganî ma bi ruhê embaz Çîyager Hêvîyî xopawitişê şarê xo her ca de aver berê û bihêz bikerê.
Ma şexsê embaz Çîyagerî de pêro şehîdanê xo ancî bi minet û rêzî yad kenê. Ma perwerîya xo pêşkêşê înan kenê û soz danê ke do hesreta înan rê bibê cewabêk.”
