Serokomarê Fransayê Emmanuel Macron bi serokê Rûsyayê Vladimir Pûtin re hevdîtinek pêk anî û di hevdîna xwe de Macron parastina kurdên li Sûriyeyê xwestiye
Rojnameya Le Parîsîenê di nûçeya xwe de destnîşan kir ku piştî du hefteyan a biryara vekişandina serokê Amerîkayê Donald Trump a ji Sûriyeyê, serokomara Fransayê Emmanuel Macron roja çarşemê bi serokê Rûsyayê Vladimir Pûtin re hevdîtinek pêk anî. Rojnameya ku agahiyên xwe dispêre Qesra Elysêeyê, diyar dike ku Macron bal kişandiye ser parastina kurdan.
Li gorî daxuyaniya Qesra Elysêeyê, Macron diyar kiriye ku divê hemû alî ji lîstikên terorîstî ku îstîkrarê xira dikin dûr bisekinin û di serî de kurd, divê hêzên tifaqên koalîsyonê ku li hemberî terorîzmê têdikoşin, bên parastin.
Hêjayî gotinê ye piştî biryara vekişandina Amerîkayê ya li Sûriyeyê, serokomarê Fransayê rêveberiya bakur û rojhilatê Sûriyeyê vexwendibû Qesra Elysêeyê û hevdîtin pêk anîbûn. Her wiha Wezîrê Karên Derve yê Tirkiyeyê roja Noelê têkildarî hebûna leşkerên Fransayê ya li Sûriyeyê û piştgirîdayîna ji bo YPG’ê gefa ‘feydaya wê ji bo we tuneye’ li Fransayê xwaribûn û heta niha der barê gefan de Fransayê tu bersiv nedaye. PARÎS
