Malbatên girtiyan ên li ber Girtîgeha Gebzeyê ku polîsan carek din wan asteng kir diyar kirin ku ew ê dest ji çalakiya xwe bernedin
Çalakiya malbatên girtiyên li dijî tecrîdkirina Rêberê Gelê Kurd Abdullah Ocalan di greva birçîbûnê de ne li ber Girtîgeha Jinan a Gebzeyê di roja 31’emîn de dewam kir. Malbat çûn ber Girtîgeha Gebzeyê. Polîsan pêşiya malbatan birî û destûr nedan çalakiyê. Parêzerên piştevanî dan malbatan bertek nîşanî polîsan dan û gotin ku hûn hiqûqê binpê dikin.
Di navbera malbat û polîsan de demekê nîqaş dewam kir û piştre malbatan anî ziman ku ew ê sibê jî çalakiya xwe li ber girtîgehê dewam bikin û ji cihê çalakiyê veqetiyan û derbasî avahiya HDP’ê ya Gebzeyê bûn.
Dayika Hatîce Calihan a ji 1’ê adarê ve di greva birçîbûnê de ye Zeynep Calihan da zanîn ku ew rojek din jî ya dayikan xemgîn pêşwazî dikin û wiha got: “Me rojek bi kêfxweşî vê pêşwazî nekir. Bila bi lezgînî hevdîtin dest pê bikin û ji bo zarokên me bijîn. Ev mehek e her roj em li vir in. Her roj polîsan me asteng kir û tundî li me kirin. Lê tû êrîş û zext nikarin me paş ve bixin û em ê dest ji çalakiyên xwe bernedin.” KOCAELÎ
