Malbata Ayten Beçete ku li dijî tecrîda li ser Ocalan çalakiya fedaî pêk anîbûn, li Amedê Leyla Guven ziyaret kir. Malbatê piştgiriya bi çalakiya greva birçîbûnê re anî ziman
Girtiya siyasî Ayten Beçet ji bo şermezarkirina tecrîda girankirî ya li ser Rêberê Gelê Kurd Abdullah Ocalan, di 23’yê adarê de li Girtîgeha Jinan a Tîpa M ya Gebzeyê çalakiya fedaî pêk anî û jiyana xwe ji dest da. Dewleta tirk ku ditirsiya cenazeyê Beçet bi girseyî bê veşartin, bi awayekî korsanî cenaze revandin û tenê destûr dan ku tenê endamên malbatê tev li merasîma cenaze bibe. Sersaxiyên gel jî ji hêla polîsan ve hatibûn astengkirin.
Malbata Ayten Beçet jî ji Dîlokê hate Amedê û hevseroka Kongreya Civaka Demokratîk (KCD) û parlamentera Partiya Demokratîk a Gelan (HDP) a Colemêrgê Leyla Guven ku ji bo rakirina tecrîda girankirî ya li ser Ocalan 179 rojin di greva birçîbûnê ya bêdem û bêdorveger de ye, ziyaret kir.
Di serdanê de malbata Beçet piştgiriya xwe ya bi çalakiya Leyla Guven re anî ziman. AMED
