Malbata Ayten Beçet ku ji bo rakirina tecrîda li ser Ocalan çalakiya fedayî pêk anî jiyana xwe ji dest da, da zanîn ku dê cenazeyê keça xwe sibê li Dîlokê oxir bikin
Malbata Ayten Beçet ku li Girtîgeha Jinan a Gebzeyê ji bo rakirina tecrîda girankirî ya li ser Rêberê Gelê Kurd Abdullah Ocalan çalakiya fedaî pêk anî û jiyana xwe ji dest da, der barê mijarê de axivîn. Malbatê da zanîn ku dê cenazeyê keça wan sibê li Dîlokê bê oxirkirin. Parlamenterê HDP’ê yê Stenbolê Mûsa Pîroglu, hevseroka HDP’ê ya Stenbolê Esengul Demîr û gelek kesên din jî derbasi Saziya Tipa Edlî (ATK) bûn.
Li ser navê girseyê, li ber deriyê ATK’ê Esengul Demîr daxuyanî da û wiha got: “Di danê sibehê saet di 09.00’an de cenaze ji Girtigeha Jinan a Gebze hate derxistin û anîn ATK’ê. Malbat wê dê bi xwe cenazeyê keça xwe bigirin. Piştî malbat û xizmên Beçet hat dê cenazeyî wergirin. Li ser daxwaza malbatê em dê merasîma cenazeyî li Stenbolê pêk bînin.”
Polîsan êrîşî gel kir
Piştî daxuyaniyê girseyê dirûşma ‘Şehîd namirin’, ‘Bijî berxwedana zindanan’ û ‘Bijî Serok Apo’ berz kirin. Polîsan jî êrîşî girseyê kir. Di êrîşa polîsan de gelek kes hatin derbkirin û 4 kes hatin binçavkirin. Navên kesên hatine binçavkirin wiha ne: “Muhammet Erkmen, Şiyar Kesen, Çetîn Demîr û Marîf Alparslan.” Kesên hatin binçavkirin derbasî Qereqola 75. Yil a Yenîbosnayê hatin kirin.
Malbat ber bi Stenbolê ve rê ket
Malbata Beçet jî ragihand ku dê cenazeyê keça xwe wergirin û merasîmekî li dar bixin. Malbatê da zanîn ku cenazeyê keça xwe dê li Dîlokê oxir bikin. Malbata Beçet ku ji Dîlokê bi rê ket û ber bi Stenbolê ve diçin. Malbat piştî kar û barên fermî dê cenazeyê keça xwe wergirin. STENBOL
