Malbata xwendekara refa duyemîn a Beşa Pêşketina Zarokan a Zanîngeha Mûnzûrê Gulistan Dokû ku ji 5’ê çileya 2020’î û vir ve li Dêrsimê agahî jê nayê girtin, ji bo aqûbeta zaroka wan bê zanîn li ber Edliyeya Dêrsimê dest bi çalakiya rûniştinê kirin.
Malbata Dokû ya ku li Amedê dijîn, îro beriya salvegera windakirina Gulistan hatin bajêr. Bav Halît Dokû, dayika Bedriye Dokû û xwişka wê Aygul Dokû di çalakiya rûniştinê ya li ber Edliyeya Dêrsimê de destpê kirin de aqûbeta Gulistan pirsîn.
Endamên malbatê ji ber ku rayedaran ji bo dîtina Gulistan lêpirsîneke bi bandor nekirin bertek nîşanî Wezareta Dadê dan û wiha got: “Eger Gulistan sax be bînin, ger hatibe kuştin jî hestiyên wê bidin. Divê gumanbarê sereke yê windakirina Gulistanê Zaînal Abarakov jî bê darizandin.”
Pêkhateyên Platforma Ked û Demokrasiyê ya Dêrsimê jî piştgirî dan malbatên ku li ber edliyeyê dest bi çalakiyê kirin. DÊRSIM
