Malbata Şenyaşar ku ji bo xizmên xwe yên di sala 2018’an de hatin kuştin çalakiya Nobeda Edaletê dikin, ji bo rabûna li ber neheqiyê bang kir.
Emîne Şenyaşar ku di 14’ê hezîrana 2018’an li navçeya Pirsûsê ya Rihayê hevser û du kurên wê ji aliyê xizmên wekîlê AKP’ê Îbrahîm Halîl Yildiz ve hatin kuştin, tevî kurê xwe Ferît Şenyaşar ê di heman êrîşê de birîndar bû, ji 9’ê adara 2021’ê û vir ve li ber Edliyeya Rihayê çalakiya nobedê dike. Ji ber ku dawiya hefteyê edliye girtî ye, malbata Şenyaşar di roja 629’an a Nobeda Edaletê de li mala xwe ya li Pirsûsê dewam kir.
Malbata Şenyaşar têkildarî Nobeta Edaletê de li ser hesaba xwe ya medyaya dijîtal ev peyam parve kir: “Neheqî li kê bê kirin bila bê kirin (girîngiya zayendê, ziman, ol û beweriyê qet tune ye) divê em pev re li hember bisekinin. Tevî her tiştî jî em ê bêhêvî nebin.”
