Malbata Rêberê Gelê Kurd Abdullah Ocalan û 3 girtiyên din, ji bo hevdîtina bi xizmên xwe re, serî li Serdozgeriya Komarê ya Bursayê dan lê serlêdanên malbatan hat redkirin
Birayê Rêberê Gelê Kurd Abdullah Ocalan, Mehmet Ocalan û wasîsê wî Mazlum Dînç ji bo ku li Girtîgeha Tîpa F ya Bi Ewlehiya Bilind a Îmraliyê bi Ocalan re hevdîtinê bikin, serî li Serdozgeriya Komarê ya Bursayê dan. Di heman demê de birayê Hamîlî Yildirim, Polat Yildirim, ji malbata Omer Hayrî Konar birayê wî Emîn Konar û ji malbata Veysî Aktaş jî xwişka wî Sabîha Aslan ji bo ku li Îmraliyê bi xizmên xwe re hevdîtinê bikin serî li Serdozgeriya Komarê ya Bursayê dan. Lê belê daxwaza ji bo hevdîtinê ya malbatan malbatan hat redkirin.
Hêjayî bibîrxistinê ye ku Omer Hayrî Konar û Veysî Aktaş di 15’ê adara sala 2015’an de bi navê ‘sekreterya’ yê veguhestibûn Îmraliyê. Hamîlî Yildirim jî piştî ku veguhestin Girtîgeha Îmraliyê, ji 15’ê tîrmeha sala 2015’an heta 5’ê hezîrana îsal mafê wî yê hevdîtinê yê bi parêzer û malbatê re hatibû binpêkirin. Malbata Yildirim herî dawî di 5’ê hezîranê pê re hevdîtin kir. STENBOL
