Malbatên çeteyên DAIŞ’ê jî di nav de nêzî hezar kesan xwe radestî şervanên HSD kir
Hêzên Sûriyeya Demokratîk (QSD) duh li gundê Baxozê yê navçeya Hecînê ya Dêrazorê operasyona qedandina çeteyên DAIŞ’ê dabû destpêkirin. Bi operasyonê re bi sedan sivîl korîdorên ewlehiyê yên ku HSD’ê ava kirin bikaranîn û xwe gihandin herêmên bi ewle.
Li gorî çavkaniyên ji herêmê hatin bidestxistin ji saetên sibehê ve malbatên çeteyên DAIŞ’ê jî din av de nêzî hezar sivîlan xwe spartin şervanên HSD’ê. Tê gotin ku di nava sivîlan de hemwelatiyên Iraq, Tirkiye û Afganistanê jî hene.
Ji fermandarên HSD’ê Mistefa Mînîc têilarî radestkirina sivîlan diyar kir ku li bendê di saetên şevê de hejmara sivîlên ku xwe dispêrin hêzên wan zêde bibin. Ji şevê din ve şerekî giran di navbera şervanên HSD’ê û çeteyên DAIŞ’ê de diqewime.
Ji şevê din ve şervanên HSD’ê li hemberî çeteyan bi qasî 2 kîlometre çargoşeyan bi pêş ve çûne û li gorî agahiyên ku ji herêmê tên wergirtin tenê qadeke ji 3 kîlometreyan pêk tê di destê çeteyên de maye. HECÎN
