Malbatên 6 girtiyên duh li ber Girtîgeha Gebze dest bi çalakiya nobetê kirin û hatin binçavkirin, bi şev hatin berdan. Însîsiyatîfa Piştevahiya Zindanan a Marmara diyar kir ku dê nobeta xwe berdewam bike
Malbatên girtiyên li Girtîgeha Tîpa M a Gebze ên li dijî tecrîdkirina Rêberê Gelê Kurd Abdullah Ocalan di greva birçîbûnê dene, duh bi armanca piştevaniyê li ber Girtîgeha Tîpa M a Jinan a Gebze dest bi çalakiya rûniştinê ya nobetê kirin. Malbat piştî hevdîtina bi zarokên xwe re kirin, li hev kom bûn dest bi çalakiya rûniştinê kiribûn û 6 kes hatibûn binçavkirin. 6 kesên hatin binçavkirin, piştî îfade dan serbest hatin berdan.
‘Em ê çalakiya xwe dewam bikin’
Înîsiyastîfa Piştevaniya Zindanan a Marmara, derbarê binçavkirinan de daxuyanî da û wiha got: “Çalakiya rûnştinê ya nobeta bêdem û bêdorveger a malbatên girtiyan ên li ber Girtîgeha Gebze li darxistin, şevê din bi operasyona binçavkirinê, hat xwestin bê şikandin. Lê malbatên me di çalakiya xwe de bi israrin. 6 dayikên me yên hatin binçavkirin, piştî li Midûriyeta Polîsan îfade dan hatin berdan. Em ê îro çalakiya xwe dîsa li ber Girtîgehaha Gebzeyê berdewam bikin. Em bang li hemû gelê xwe, gelê Tirkiyeyê yê domokratîk, nivîskar û rewşenbîran dikin ku bi piştevaniyek mezin, xwedî çalakiya me derkevin. Ji bo ku mirin pêk neyên deng bidin zindanan.” KOCAELÎ
