Herêma Fedaral a Kurdistanê ji ber polîtîkayên çewt herêm ber bi qeyrana aboriyê ve birin. Hikûmeta Herêmê demek dirêje mûçeyên mamosteyan nadin. Çalakî û xwepêşandanên mamostayên Herêma Kurdistanê li dijî hikûmetê bênavber didomin. Tevî bi mehane mamostayên herêmê li qadan e û daxwaza mûçeyê xwe dikin, lê heya niha jî Hikumeta Herêma Kurdistanê ku dema wê ya yasayî xilas bûye, guh nedaye mamostayan.
Di vê çarçoveyê de carek din mamostayên navçeya Çemçemal ya ser bi Silêmaniyê çalakî lidarxistin. Mamostayan di çalakiya xwe de destnîşankirin ku wê boykot û çalakiyên wan heya daxwazên wan bicih bên, bidomin.
Hêjayî gotinê ye zêdetirî 80 rojin ji ber ku hikumet mûçeyê mamostayan nade, piraniya mamostayên li Silêmanî, Helebce, Germiyan, Raperîn û navçeya Koyeyê boykot ragihandine û heya niha jî ev çalakiya wan dewam dike.
