Li Wargeha Penaberan a Şehîd Rûstem Cûdî (Mexmûr) mamostayên jin bi şahiyekê li dibistana Şehîd Mehmed Kurt piştgiriya xwe ya ji bo pengava KCK’ê ya ‘Bes e ji tecrîd, faşîzm û dagirkeriyê re; dem dema azadiyê ye’ nîşan dan.
Di destpêka şahiyê de çira hatin pêxistin. Piştî vêxistina çira ji bo giyanê tevahî şehîdên Tevgera Azadiya Kurdistanê deqeyek rêz hat girtin. Axaftina vekirinê ji aliyê mamosta Bêrîvan Kaya ve hat kirin.
Kara diyar kir ku ew mamostayên jin ên Wargeha Mexmûrê Pêngava KCK’ê silav dikin û pir şanaz in ku di nava pêngava KCK’ê de cih digirin û wiha got: “Ev pêngava hatiye despê kirin derfetek mezin e ku kurd li hemû cîhanê dengê xwe bilind bikin û li Rêbertî û şehîdên xwe xwedî derbikevin. Em bang li hemû jinan dikin ku di vê pêngavê de cihê xwe bigirin û piştgirî bidin pêngavê.”
Piştî axaftina Kara stran hatin gotin û şahî bi gerandina govendê bi dawî bû. MEXMÛR
