Çarçella bi berzî û îhtîşamê xo cayêka biheybet a. Wexto ke vewre zî xemilnaye, merdim rindekîya ci ra mird nêbeno
Zimistanî koyê Çarçellaye xemilnayî. Gerîlayê Kurdistanî cayanê ke tede manenê, hem goreyê şert û mercanê ucayî xo amade kenê hem zî dezavantajanê cografya xo rê kenê avanataj. Zimistan koyanê Kurdistan de zaf derg o. Gerîlayê azadîya Kurdistanî zimistanî seba prosesê amadekerdişê wisarî derbaz kenê. Şertê hewayî, varayişê vewre yo zêde û sipe xemilîyayîşê der û doran ra merdim xo vîr a keno ke kamcîn cografya de yo.
Çarçella bi berzî û îhtîşamê xo cayêka biheybet a. Wexto ke vewre zî xemilnaye, merdim rindekîya ci ra mird nêbeno.Tîtikê koyê Çarçella yê ke menganê zimistanî de kes asan xo nêresneno ser, seba gerîlayanê azadîya Kurdistanî rê wareyê ciwîyayîşî yê.
Semedê berzî û zaf varayîşê vewre ra manzaraya ke vejîyena werte sey deryayê hewran ê bêpeynîye asena. Kampanê serê nê koyan de, gerîlayî bi rengêkê ‘adetî’ cuya xo dewam kenê. Seba ke ber û pencerayê kampe rîyê vewre ra yenê padayene, kampe bêhewa manena. Coka gerîlayî dest bi nobeta akerdişê ‘tûnelê oksîjenî’ kenê. Gerîla Rûkene destê ci de huyeyê vewre, dest bi nobeta akerdişê tûnelê vewre kena. Bi rîyê xo yê peşmirîyayî ‘tûnelê oksîjenî’ akena. BEHDÎNAN
