Cemxaneyê Şeyx Çoban Babayî yê qezaya Mazgêrdî ya Dêrsimî de Cemê Xizirî ame girewtene û loqmeyî ameyî vilakerdene.
Menga Xizirî ya ke semedê Elewîyan sey bimbarek yena qebûlkerdene de girewtişê ceman û vilakerdişê loqmeyan dewam keno. Cemxaneyê Şeyx Çoban Babayî yê qezaya Mazgêrdî ya Dêrsimî de Cemê Xizirî ame girewtene û loqmeyî ameyî vilakerdene. Loqmeyê qûrbanî bi gulbanganê Pîr Huseyîn Kaykaçî ameyî vilakerdene.
Pîr Kaykaçî derheqê menga Xizirî de nê vatî: “Ma menga Xizirî de hîrê rojî roje tepişenê. Qûrbananê xo hadre kenê û îbadetê cemî bica anê. Mîyanê çar hewteyan de roceyê ma yenî tepiştene. Hewteyo peyên de ma roceyê Xizirî tepişenî. Dimayê parekerdişê loqmeyanê Xizirî ma Cemê Xizirî girê danê.” DÊRSIM
