Fermandarê Giştî yê QSD’ê Mazlum Abdî hûrguliyên operasyona li dijî Serokê DAıŞ’ê Ebubekir el Bagdadî ji Fox Newsrê re vegot
Fermandarê Giştî yê Hêzên Sûriyeya Demokratîk (HSD) Mazlum Abdî têkildarî operasyona li dijî derokê DAIŞ’ê Ebubekir el Bagdadî ji Fox News’ê re vegot. Abdî anî ziman ku operasyona bi kuştina Bagdadî bi encam bû, çend meh berê destpê kir û di hemû kêliyên îstîxbaratê de HSD’ê jî tev li pêvajoyê bû. Abdî da zanîn ku endamê HSD’ê yê di dilê DAIŞ’ê de cih digirt, dema serdegiritnê jî di operasyonê de cihê xwe girtiye.
Di axaftina xwe de Abdî anî ziman ku endamê îstîxbaratê yê HSD’ê ew agahdar kirin ku Bagdadî berê xwe daye Rojava û ber bi Idilbê ve diçe û wiha got: “Agahî da ku wê têkeve kîjan malê. Me di 15’ê Gulanê de agahî da DYA’yê. Piştî agahiyê me yekîneyên ku 3 emerî ji di nav de yekîneyek dizî ava kir. Endamê îstîxbatarê yê HSD’ê li qada lê hûrguliyên tunelê yê ku Bagdadî lê ye bi me re parve kir. Diyar kir ku li gel Bagdadî çend kes li herêmê ne û plan dikin ku têkevin nava tevgerê. Roja din roja şemiyê li dijî cihwarê wan êrîş hat lidarxistin. Endamê HSD’ê ji aliyê DYA’yê ve ji herêmê hat derxistin û birin cihekî ewle.”
Serkeftina kurdan pir mezin e
Abdî di nûçeyê de anî ziman ku bicihkirina muxbîr a di nava DAIŞ’ê de gelek zor û zahmet e û wiha domand: “Bi taybetî kesekî muhbîr ewqas nêzî serokê DAIŞ’ê be pir zahmet e. Ev serkeftina kurdan a pir mezin e. Kuştina Bagdadî bêyî îstîxbarata kurdan ne pêkan bû.”
Di nûçeyê de hat diyar kirin ku peywirdarekî bi qidem ê di nava Wezîrê Parastina DYA’yê de aniye ziman ku HSD di operasyonê de rola sereke ya wekî lîstikvanê kîlît lîstiye. Peywirdar anî ziman ku HSD û hêzên kurd di dema êrîşê de bi wan re de di balafirê de bûn û dema di operasyonê de 11 zarokên ku li gel Bagdadî li avahiyê bûn, radestî kesekî ewle kirine. MA – ENQERE
