Navenda Nûçeyan |
Fermandarê Giştî yê Hêzên Sûriyeya Demokratîk (HSD) Mazlum Ebdî têkildarî êrîşên dewleta tirk ên li dijî Kobanê, li ser hesabê xwe yê twîtterê daxuyaniyek da.
Peyamên Ebdî wiha ne:
“Tirkiye hîn jî hiqûqa navneteweyî û peymanên 17’ê cotmehê û 22’yê cotmehê binpê dike ku ew peyman bi piştgiriya Alîkarê Serokê DYA’yê Mîke Pence û serokdewletê Rûsyayê Vladîmîr Pûtîn ve hatin amadekirin. Di van peymanan de şertên ji bo rawestandina êrîşên dewlet tirk ên li ser herêma me dihatin destnîşankirin.
Rawestandina polîtîkayên paqijiya etnîkî û binpêkirinên Tirkiyeyê, di çarçoveya peymanên cotmehê û hiqûqa navneteweyî de wezîfe û berpirsyariya Amerîka û Rûsyayê ye.
Beriya salvegera pêncan a komkujiya sala 2015’an ku 271 jin, zarok, extiyar hatin kuştin, sûîqesta li dijî aktîvîstên jin, êrîşa li ser sivîlên li gundê Helincê û Kobanê dewama polîtîkaya komkujiyên li dijî kurdan e.”
