Di 14’ê hezîrana 2018’an de parastvan û xizmên parlamenterê AKP’ê yê berê Îbrahîm Halîl Yildiz li navçeya Pirsûs a Rihayê êrîşî dikana malbata Emîne Şenyaşar kir. Di êrişê de hevjîn û du kurên Emîne Şenyaşar hatin qetilkirin û yek jî hate girtin. Çalakiya Nobeta Edaletê ya Emîne Şenyaşar li Meclisê daye destpêkirin di roja 10’emîn de didome. Şenyaşar anî ziman ku gelek pirsgirêkên wê yên tenduristiyê hene û daxwaza xwe ya edaletê dîsa dubare kir. Şenyaşar bal kişand ser komkujî û pêvajoya piştre û wiha axivi: “Tevî ez emeliyat bûme jî çalakiya xwe didomînim. Ez dixwazim bi Serokkomarê AKP’î Tayyîp Erdogan re hevdîtinê bikim. Heta ku hevdîtin bê kirin û daxwaza min pêk bê ezê çalakiya xwe berdewam bikim.
Şenyaşar, xwest ku kurê wê Fadil Şenyaşar bê berdan û got: “Zilm li me hat kirin. Zarokên min û hevjînê min qetil kirin. Kurekî min di hucreyê de tê ragirtin. Bila kurê min berdin.”
Serokwekîla Koma DEM Partiyê Gulistan Kiliç Koçyîgît hat serdana Emîne Şenyaşar.
Meclis çalakiya Emîne Şenyaşar nabîne
Nobeta Edaletê ya Emîne Şenyaşar 10 roj in li pêş Meclisa Tirkiyeyê berdewam dike. Lê heta niha meclisê tu bersîv nedaye Şenyaşar.
