Li rêxistina Yensa û perestgeha Zerdeştiyan a li Silêmaniyeyê bi dirûşma ‘Jiyan yek rêye, ew jî rastiye’ Meclisa Bilind a Zerdeştiyên Kurdistanê bi daxuyaniyekê hate ragihandin. Daxuyanî ji hêla Asrewan Qadrok ve hate xwendin.
Di daxuyaniyê de hate gotin ku armanca avakirina meclisê, avakirina yekitiyê ye û ev tişt hatin parvekirin: “Zerdeştiyên Kurdistanê ji bo dirûstkirina hebûneke olî û yasayî ya ji bo komkirina hemû zerdeştiyan di bin sîwanekê de, li hev kir. Meclisa ku hatiye avakirin, ji bo Zerdeştiyên her çar parçeyên Kurdistanêye.”
Daxuyanî wiha dom kir: “Biryar hate dayîn ku jinek bibe seroka Meclisa Zerdeştiyên Kurdistanê. Lê heya niha navê wê nehatiye diyarkirin. Her wiha biryar hatiye girtin ku qenaleke televîzyonê ji bo zerdeştiyan bê avakirin.” SILÊMANIYE
