Mevlîsa Ciwanan a HDP’ê şandina cenazeyê Egît Îpek a bi PTT’ê, şermezar kir û diyar kir ku ev pêkanîn, li dijî mirovahiyê ye. Meclisa Ciwanan, anîn ziman ku li ser cenaze şer û îşkenceya derûnî meşandine û got: “Em vê pêkanîna li dijî mirovahiyê carek din bi tundî şermezar dikin.”
Meclîsa Ciwanan a Partiya Demokratîk a Gelan (HDP), têkildarî cenazeyê endamê HPG’ê Egît Îpek ê bi kargo bi rêya PTT’ê ji malbatê re şandin daxuyanî dan. Meclîsa Ciwanan, ev pêkanîna hikûmetê şermezar kir û got: “Ev pêkanîn li dijî mirovahiyê ye. Berê malbatê serî li hemû rê û rêbazan dan. Lê tevî hemû hewldanan cenaze teslîmî malbatê nekirin. Ev pêvajoya wergirtina cenaze li malbate kirin îşkenceya derûnî. Piştî demek dirêj cenaze bi rêya kargo û PTT’ê şandin ji dayikê re. ev pêkanîn li dijî mirovahiyê ye. Ev xeraiya herî mezin e. Ev dijminantiya Kurdan e. Îqtîdara AKP-MHP’ê bi van pêkanîn û polîtîkayan carek din dijminantiya Kurdan li ber çavan raxistiye. Bi vê yekê sûcê mirovahiyê yê herî mezin ku mînaka wê li cîhanê tune kirine. Ev ne sûcê ewil ê li dijî civakê ye. Berê jî bedenên tazi teşîr kirin. Di jêrzemînên Cizîrê de mirov şewitandin. Divê hikûmeta ku xwe li ser cenaeyê Kurdan terbiye dike zanibe ku em ji dayikên ku di oxira wan de tofan bê rakirin çêbûne. Em vê pêkanîna dijmirovî ya li dijî cenaze bi tundî şermezar dikin.” ENQERE
