Meclisa Îştarê ya Wargeha Penaberan a Şehîd Rûstem Cûdî (Mexmûr) derbarê şewata li Îmraliyê daxuyaniyek dan. Daxuyanî li ber Navenda Çand û Hunerê ya Mexmûrê hat dayîn. Daxuyanî ji hêla endama Kordînasyona Meclisa Îştarê Xantur Kara ve hat xendin.
Di daxuyaniyê de hat destnîşankirin ku tecrîda li hemberî Ocalan sûc e û wiha hat gotin: “Abdullah Ocalan ji bo gelê kurd vîn, bawerî û hebûn e. Di şexsê Abdullah Ocalan de netewek tê tecrîdkirin. Dewletên desthilatdar Abdullah Ocalan wekî xeter dibînin. Ji ber vê jî bi salan e bi şêwazên cûr bi cûr cezayê dîsîplînê tên dayîn û her wiha hevdîtin tên astengkirin. Ev tişt tecrîd e û tecrîd li hemberî hemû kurdan tê meşandin.”
Di daxuyaniya de qala polîtîkayên ku li hemberî Ocalan tê meşandin jî hat kirin û wiha hat destnîşankirin: “Êdî di destê Erdogan de tiştek nema ye û bi polîtîkayên qirêj êrîşê Rojava dike. Rewşa Idlibê li ber çava ne. Ji bo rewşa Idlibê veşêrin bûyerek cuda derxistin holê û li Girava Îmraliyê daristan şewitin. Ev tişt xetereyeke mezin e û li hemberî Abdullah Ocalan pêk tê. Bi vê şewatê bertekên gelê kurd dipivîn. Em wekî penaberên Mexmûrê şopdarên Zîlan û Arînan bin. Em ê xwedî têkoşîna xwe derkevin û erk û berpirsiyariya xwe bi cih bînin.”
He wiha daxuyanî wiha bi dawî bû: “Em dibêjin ku tecrîda li hemberî Abdullah Ocalan tecrîda li hemberî tevahiya mirovatiyê ye û li hemberî jinê ye. Em bang li jinan dikin ku ji bo azadiya Abdullah Ocalan dakevin qadan. Her wiha divê CPT û rêxistinên mafên mirovan ên Ewropayê li hemberî van kiryaran bêdeng nemînin. Wê bi têkoşîna jinê dê faşîzm têk biçe.” MEXMÛR
