Navenda Nûçeyan |
Meclisa Medyaya Dîjîtal a Kurdistanê ya ku dixwaze geşedanên li Kurdistanê, êrîşên dagirker û komkujiyên li ser gelê kurd ragihîne û rojevê çêbike, hat avakirin.
Meclise diyar kir ku ew di têkoşîna azadiyê de çepereke nû ava dikin û wan bi navê Meclisa Medyaya Dîjîtal a Kurdistanê dest bi xwerêxistinê kirine.
Di peyama avakirinê ya Meclisa Medyaya Dîjîtal a Kurdistanê de ev tişt hat diyarkirin:
“Wê hemû platformên medyaya dîjîtal a Meclisa Medyaya Dîjîtal a Kurdistanê li hemberî êrîşên li ser gelê kurd û li hemberî qirker û mêtingeriyê wê xeteke nû ya têkoşînê ava bike.
Wê meclis daxwaza jiyana azad û statuya siyasî ya Kurdistanê geş bike. Meclisa Medyaya Dîjîtal a Kurdistanê ji bo ku li hemberî derewên Modernîteya Kapîtalîst şer bike û tevî hemû hêzên şoreşger û demokrasiyê yên dinyayê bi hev re bimeşe, hatiye avakirin.
Em dengê medyaya dîjîtal a Tevgera Azadiyê ne ya ku li hemberî mêtingerî û faşîzmê şer dikin. Em berdevkê medyaya dîjîtal têkoşîna ji bo azadiya Bakur, Başûr û Rojhilat in. Rêya ku Şoreşa Rojava ji bo mirovayetiyê vekiriye dê bibe rêberê Meclisa Medyaya Dîjîtal a Kurdistanê. Paradîgmaya Rêberê Gelê Kurd Abdullah Ocalan dê rêya me ya li medyaya dîjîtal ronî bike.
Meclisa me navnîşana medyaya dîjîtal a têkoşîna li hemberî tacîz, tecawiz û serweriya mêran e. Meclisa me her têkoşîna ji bo wekhevî, azadî û edaletê wekî têkoşînê qebûl dike. Em ê tevî hemû gelên dinyayê yên li dijî neheqiyê serî hildidin, têbikoşin û pireke hevgirtinê ava bikin.
Em dixwazin medyaya dîjîtal bikin platfomeke berxwedanê û çi kesên ku bixwazin dikarin tev li vê platformê bibin. Ev vexwendin ji bo ragihandina dengê gelê kurd e. Ji bo ku em derewên mêtingeran, manîpulasyonên faşîzmê bidin sekinandin û berxwedana azadiyê ragihînin medyaya dîjîtal ev platform hatiye avakirin.”
