Meclîsê Xoserîya Demokratîke yê Şingalî (MXDŞ) yê ke derheqê hêrişê artêşa Iraqî yê vera Şingalîde eşkerayîye daye vat artêşa Iraqî zî sey dewleta tirke têgêrena.
Eşkerayîye de bale ameye antene ser ke no hêriş hetê PDK û dewleta tirke ra ameyo koordînekerdene û nê ameyî vatene: ”Seke yeno zanayene ma rojanê roşanê Çarşema Nîsane yê şarê êzidîyan de yê. Şarê ma par nê wextî de rîyê DAIŞ û sîyasetê leyminî yê dişmenî ra neêşkayêne agêro Şingalî. Şarê ma waştêne roşanê xo herra xo de pîroz bikero. Coka amadekarîya roşanî dewam kerdêne. La bîn şewe hêzo ke pabesteyê hukmatê Kazimî yo mudaxaleyê Asayîşê Êzdîxanî yê bajarekê Digurî kerd.
Iraqî hema ke îdareyê ma de qisey nêkerdo dest pê hêrişî kerd. Tîya sîvîlî û hêzê asayîşî birîndar bîyî. Badê hêrişî waşt merkezê asayîşî bigêrê binê kontrolî la hêzanê Asayîşê Êzdîxanî destûr nêda ke şer vejîyo. Seba ke pêkewiş biqedîyo cehd kerd. La saetanê şewe de grûbêka leşkeranê Iraqî bajarekê Tilizêrî de serê rayîrê Cidalî de dest hêzanê Asayîşê Êzdîxanî ser.
Netîceya nêyî de pêkewtişî newe ra dest pêkerd. Hêriş pê asayîşê Êzdîxanî sînordar nêbi, şiknayîşê îradeyê êzidîyan ameynê waştene. Iraqî grûbêke şawit herêmanê ke binê kontrolê Yewîya Xoverdayîşê Şingalî (YBŞ) û Yewîya Cinîyanê Şingalî (YJŞ) de yê. Dima ra pêkewtiş vejîya. Nika hela ke ma eşkerayîye danê hema hêrişê artêşa Iraqî yê vera hêzanê ma yê Êzdîxanî dewam kenê.
Wa şar û dostê ma bizanê ke nê hêrişî bi tewirê tewr wehşî dewam kenê. Nê hêrişî planê dewleta tirke yê, wazenê îradeyê şarê ma bişikinê. Artêşa Iraqî nê hêrişan de sey artêşa Iraqî têgêrena û eşkera eseno ke no hêriş hetê PDK û dewleta tirke ra ameyo koordînekerdene.
Ma sey Meclîsê Xoserîya Demokratîke yê Şingalî vanê sey 74 fermananê bînan ma do narey zî milê xo çewt nêkerê û vera hêrişan heta peynî xover bidê. Teberê xoverdayîş, pawitişê şar û destkewteyanê ma de ma do qet yewna rayîrî mevîjnê.
Ma veng danê şar xo heme hetan ke wa vera hêrişan bêveng memanê. Hêrişê Şingalî pabesteyê fermananê vêrenen û pêkerdişê 9ê teşrîna verêne yo. Nê hêrişî badê pêvînayîşê Mesur Barzanî û Erdoganî dest pêkerd. Coka ma veng danê heme ciwananê xo ke wa tewrê nê xoverdayîşî bibê û paştî bidê hêzanê pawitişî. Xoverdayîşê ma do heta serkewtişî dewam bikero. Iraq ame hîşyarkerdene berpirsîyarê pêkewtişan ê ke do bivejîyê o yo.”
