Temsîlkarê DÎHA yê herêma Amedî Kadrî Kaya 29ê teşrîna verêne ya 2018î de cuya xo vindî kerdbî. La 3. Mehkemaya Cezaya Giran ya Êlihî badê mergê Kayayî 2 serr û aşmêk ceza ci rê birna. Mehkema qerarê xo de dîyar kerd ke cezaya ke ameya birnayene tu hawayî nîna taloqkerdene
3. Mehkemaya Cezaya Giran ya Êlihî badê mergê Temsîlkarê DÎHAye ke bi Qerarnameyê Hûkmê Qanûnî (KHK) ameybî padayene yê herêma Amedî Kadrî Kayayî 2 serr û aşmêk ceza ci rê birna. Mehkema bi îdîaya ‘hetkarîya rêxistine’ ceza daye Kayayî û qerarê xo de dîyar kerde ke cezaya ke ameya birnayene tu hawayî nîna taloqkerdene. Mehkema rojnamevan Kadrî Kaya, Erdogan Altan û Mehmet Karabaşî rê 2 serr û aşmêk ceza dabî, la Mehkemaya Berzî cezaya ke ameybî birnayene serra 2014î de taloq kerdbî. Na reye 3. Mehkemaya Cezaya Giran ya Êlihî eynî ceza da 3 rojnamegeran. Kadrî Kaya 29ê teşrîna verêne ya 2018î de cuya xo vindî kerdbî. AMED
