Qezaya Sarayî ya Wanî de 4ê sibate vewrês ginabi mînîbusêke û wesayîtêkê karî ser. Hedîse de 5 kesî merdbi, 6 kesî birîndar bibî û 2 kesî zî binê vewre de mendbi. 5ê sibate de wexto ke tîmê xelisnayîşî û hemwelatijî cigêrayîşê xelisnayîşî kerdêne vewrêso diyîne ginabi înan ser. Vewrêso diyîne de cenazeyê 41 kesan binê vewre ra ameyî vetene. Xebatkarê adirhewnakerdişî Mehmetcan Taşdemîrî hema zî binê vewre de yo. Şertê hewayî vera xebatê xelisnayîşî nînê kerdene. Yeno vatene ke îhtîmal esto ke reyna vewrês bikewo û coka ra ekîbê xelisnayîşî nêeşkenî xo biresnî cayê vewrêsî. WAN
