Mektuba Îrfan Kiliçî ke Zîndanê Kandiraye de cuya xo peynî kerdbî verîya raşte. Kiliçî mektuba xo de reaksîyon nîşanê operasyonê vera Herêma Federe ya Kurdistanî û nizdîbîyayîşê hukmatê herême dano
Mektuba hepsîyo sîyasî Îrfan Kiliçî ke 3ê temmuze de, Zîndanê Tîpa Fyî yê Hûmara 2. yê Kandira de cuya xo peynî kerd û xo pey de vera da vejîya raşte. Kiliçî rojêk verê yanî 2ê temmuze de mektube nuşto. Kiliçî mektuba xo de qala sebebê çalakîya xo û vindetişê xo kerdo. Kiliçî qezaya Bongilanî ya Çewlîgî ra yo.
Mektuba Kiliçî ke xo pey de vera dayo wina yo:
“Ewro 2ê temmuza 2019î yo. Nê rojan de dewleta TC. ya faşîst û zîhnîyetê netewî yê ke ci wayîr keno, seke tarîx de zî ameyo kerdene, wazeno hêrişê Kurdistano azad û kurdanê azadan bikero. hêrişê heme cayanê Kurdistanî kenî. Nê rojan de dewleta TC. ya faşîst Kurdistan de talankerdiş û dagirkerdiş pê ana.
Tarîx de tay çîyî xo newe kenî. Wextêk wextan ra dewleta Rahîbê Sumerî waştî ke Kurdistano azad dagir bikera û talan pêbîyara. Cok ra seba ke talankerdiş û dagirkerdiş pê bîyara bi rayîrê îxanetkaro ewil yê Kurdistanî Enkîdu hemkarîye kerdo. Seba ke Kurdistan nêro dagirkerdiş Humbaba yo ke seba Kurdistanî têkoşîn dayo, hetê Enkîdu ra yeno qetilkerdiş.
Ewro reyna zîhnîyeto îxanetkar yê sey Enkîdu piştî danî dagirkerdiş û talankerdişê Kurdistanî. Îxanetkarê kurd seba dagirkerdişê Kurdistanî vengê xo nêkenî û dagirkeran reyde hemkarîye kenî.
Tarîx tena serê nameyê îxanetkaran newe nêbeno. Tarîx de Kawayê Asinkar, ciwanê kurd yê azad, leheng û fedaîyê ke vera dagirkerdişî de şer kenî û seba Kurdistano azad awanbikerî xo birêxistin kerdî û ciwananê Kurdistano azad Kurdistan dagirkeran ra xelisnayî.
Ewro seke tarîx de zî ame nîşandayene reyna ciwanê Kurdistanî vejîyayî û seba Başûro qedîm yê Kurdistano azad koyan ser de yî û vanî ‘Ma ciwanê şorişger yê Kawa, rayîr nêdanî no dagirkerdişê zilimkaran ke Kurdistano azad dagirbikerî.’ Ciwananê Kurdistanî wina rayîr şîyî Qendîl. Hezar silam şima rê way û birayê mi.
Way û birayê mi yê ercîyaye û hemrayê fedaî yê ercîyayeyî. Ganî her cayê Kurdistanî de vengê şima, vengê serewedarnayîşî yê şima bibo. Her meşaleya serewedarnayîşî ya ke Kawa dayo destê xo û hezar silam zerrî û ruhê şima yê fedaîyane re ciwanê Kurdistanî. Ez her cayê Kurdistanî kena vengê o. Ez bena meşaleya ke şima tafînaya. Û ez vana ke ez do Çewlîgî ra biba vengê şima. Wa bimiro dagirkerî, Bicuyo Kurdistano Azad, Bicuyo Rayber Apo.” KOCAELÎ
