Meletî de 8ê teşrîna peyêne de çarçewa tehqîqatê Kongreya Komela Demokratîke (KCD) de 6 kesî ameybî destbendkerdene. Îfadeyan ra dima Alî Pîro, Hasan Basrî Çipla, Saît Pektaş û Alî Yilmaz sewqê edlîyeyî ameyî kerdene. Dozgerî bi îdîaya ‘endamîya rêxistine’ 4 kesî sewqê mehkeme kerd. 4 kesî mehheme de ameyî tepiştene û erşawîyayî Zîndanê Meletî.
Husamettîn Kurultayo 75 serre û Fatma Încesu bi şertê kontrolê edlîyî ameyî veradayene.
Hetê bînî ra Hemserekê Partîya Demokratîke ya Şaran (HDP) yê qezaya Akçadagî ya Meletî Mahîr Aslan û Abuzer Adiyaman, Bîrgule Dogan, Azîz Dogan û Basrî Aslan yê ke 10ê teşrîna verêne de çarçewa eynî tehqîqatî de ameyî destbendkerdene hema zî mudirîya asayîşî de yenê tepiştene. MELETÎ
