Hunermend Mem Ararat Amed de bi tewrbîyayîşê sedan hemwelatijan konsereko muazzam viraşt
Hunermendo namdar yê kurd Mem Ararat Amedê konsereko muazzam viraşt. Konser otelêk bajar de pê ame. Konser ra ver bi sedan hemwelatijî paweyê Araratî vindetî. Badê demêko kilm Ararat bi pêşwazîkerdişêko germin vejîya sehne ser.
Araratî verê ke deyranê xo vajo qiseykerdişêko kilm kerd. Araratî qiseykerdişê xo de ard ziwan ke o bi heyecanê konserêko newe, bi zerrîgerminîya Aram Tîgranî, bi zerrîgerminîya Meryem Xanê û bi zerrîgerminîya Mihemed Arîfê Cizîrî heme meymananê xo silam keno û seba ke Amed de konser virzeno zaf kêfweş o.
Badê qiseykerdişî Araratî bi deyrê ‘Zîz’ dest bi konserê xo kerd û xeylê deyranê weşan têdima va û şewa hemwelatijan rind kerd. Tay deyran de hemwelatijî weriştî payan ser û govende çarnayî. Konserê Araratî bi deyrê ‘Dil dosoje’ qedîya. AMED
