Wendekara Unîversîtaya Munzurî Gulîstan Dokuye ya ke Dêrsim de ameye vînîkerdene ra 5ê çeleyê 2020î ra nata xebere nîna girewtene. Keyeyê ci semedê vînayîşê kênaya xo tim çalakîyan de yo.
Vizêr merasîmê mezunîyetî yê Unîversîtaya Munzurî ame kerdene ke eke Gulîstan Dokuye vînîbîyaye nêbîyêne a zî do bibiyêne mezûn. Aygul Dokuye merasîm de destê ci de fotografê waye ci waşt vejîye sehneyî ser û aqibetê Doku biperse. Dokuye vat ”ewro ganî mi pîya bi waya xo tîya dîploma bigirewtêne.” Naye ser o wezîfedaranê asayîşê taybetî mudaxaleyê Doku kerd û destûr nêda a qal bikero. Bi desan wendakaran paştî daye çalakîya Dokuye û pîya vejîyayî sehneyî ser. Dokuye vat ”Gulîstane Doku ha ça de ya?”
