5 birayê ke 30ê êlule de qezaya Artûklû ya Mêrdinî de sereştişê keye de ameybî tepiştene, mergê birayê xo Ferhat Şîmdîyo ke yeno îdîakerdene endamê HPGyî yo, binê çiman de musayî
30ê êlule de taxa Îstasyonî ya qezaya Artûklû ya Mêrdînî de leşker û polîsan eştbî keyeyêk ser. Netîceyê sereştişê keye de Ferhat Şîmdîyo ke yeno îdîakerdene endamê HPGyî yo seba ke nêkewo destê polîsan cuya xo peynî kerdbî. Polîsî sereştişê keye de cinî û doman zî mîyan de pêropîya 15 kesan tepiştbî. Cinî û doman badê 2 rojan serbest ameyî veradayene û labelê Azîz, Memdûh, Orhan, Serdar û Erdal Şîmdîyî ke birayê yewbînan î, hema zî Şûbeyê TEMî yê Mudirîya Polîsan ya Mêrdînî de yenî tepiştene.
Ame zanayene ke rewşa her panc birayan zî baş a û hema zî îfadeyê înan nêameyo girewtene. Sewbîna ame zanayene ke panc birayî pêvînayîşê avûkatanê xo de musayî ke birayê înan Ferhat Şîmdîyî cuya xo vindî kerdo û cok ra ê xeylê hîssin î. MÊRDÎN
